ನಮ್ಮ ಕುರಿತು
ಮಹೀಂದ್ರಾ ಫಾರ್ಮ್‌ ಇಕ್ಯುಪ್ಮೆಂಟ್‌ ಸೆಕ್ಟರ್‌ ನಲ್ಲಿ ನಾವು ಭಾರತೀಯ ರೈತರಿಗಾಗಿ ವಿಸ್ತೃತ ಶ್ರೇಣಿಯ ಪ್ರಗತಿಪರ ಕೃಷಿ ಯಂತ್ರಗಳನ್ನು ಪರಿಚಯಿಸುವ ಮೂಲಕ ಕಾರ್ಮಿಕರ ಕೊರತೆಯನ್ನು ಎದುರಿಸಲು, ದಕ್ಷತೆಯನ್ನು ಹೆಚ್ಚಿಸಿಕೊಳ್ಳಲು, ಕೃಷಿಭೂಮಿ ಕಾರ್ಯನಿರ್ವಹಣೆಯ ವೆಚ್ಚವನ್ನು ತಗ್ಗಿಸಲು ಮತ್ತು ಬೆಳೆಯ ಇಳುವರಿಯನ್ನು ವೃದ್ಧಿಸಲು ಅವರಿಗೆ ನೆರವು ನೀಡುತ್ತಿದ್ದೇವೆ. ನಾವು ನಮ್ಮ ವಿಶ್ವದರ್ಜೆಯ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರಗಳಲ್ಲಿ ಮತ್ತು ಉತ್ಪಾದನಾ ಘಟಕಗಳಲ್ಲಿ ಕೃಷಿ ಉಪಕರಣಗಳ ವಿನ್ಯಾಸ, ಅಭಿವೃದ್ಧಿ ಮತ್ತು ಉತ್ಪಾದನೆಯನ್ನು ಮಾಡುತ್ತೇವೆ.ನಮ್ಮ ರೈತರಿಗೆ ಅತ್ಯಾಧುನಿಕ ಕೃಷಿ ತಂತ್ರಜ್ಞಾನವನ್ನು ಒದಗಿಸುವುದಕ್ಕಾಗಿ ನಾವು ಭಾರತ ಮತ್ತು ವಿದೇಶದ ಅತ್ಯುತ್ತಮ ಸಂಸ್ಥೆಗಳೊಂದಿಗೆ ಸಹಯೋಗ ಸಾಧಿಸಿದ್ದೇವೆ. ಆಲೂಗಡ್ಡೆ ನೆಡುವುದು, ಬೈಹುಲ್ಲಿನ ಕಟ್ಟು ತಯಾರಿಸುವುದು, ಸಿಂಪಡಣೆ ಮತ್ತು ಭತ್ತದ ನೇಜಿ ನಾಟಿಯಲ್ಲಿ ಯಂತ್ರಗಳನ್ನು ಹೊರತರುವುದಕ್ಕಾಗಿ ನಾವು ಯೂರೋಪಿನ ಡೆವೂಲ್ಫ್‌, ಟರ್ಕಿಯ ಹಿಸಾರ್‌ ಲಾಲ್‌, ಭಾರತದ ಮಿತ್ರ ಮತ್ತು ಜಪಾನಿನ ಮಿತ್ಸುಬಿಶಿ ಅಗ್ರಿಕಲ್ಚರಲ್‌ ಮೆಶಿನರಿಯ ಜೊತೆ ಪಾಲುದಾರಿಕೆಯನ್ನು ಹೊಂದಿದ್ದೇವೆ.
